Latest Post

ஸ்லிம் அன் டிரிம் ஆன கருத்தம்மா!

இயக்குநர் சிகரத்தினால் கருத்தம்மாவில் அறிமுகமான அந்த நடிகை முதல் படத்திலேயே தமிழக அரசின் சிறந்த நடிகைக்கான விருதினை பெற்றவர்.

கதாநாயகியாக சில படங்களில் மட்டுமே நடித்த அந்த நாயகி குணச்சித்திர கதாபாத்திரங்களில் நடித்தபோதும் தனக்கென தனி முத்திரை பதித்தவர். வெளிச்ச நடிகரின் படத்தில் அம்மாவாக வந்து, உருகும் நடிப்பால் உள்ளம் தொட்டவர். 60 திரைப்படங்கள், 50 தொலைக்காட்சித்தொடர்களில் நடித்த அந்த திருமணத்துக்குப்பின்னர் குடும்பப் பராமரிப்பில் முழு கவனம் செலுத்தியதால் உடலை கவனிக்க முடியாமல் போய்விட்டது. இதனால் உடல் எடை இருமடங்கு அதிகமாகிவிட்டது.

சூரிய தொலைக்காட்சியில் ரம்யமான நடிகையின் சீரியலில் நடித்த அந்த நடிகையின் கதாபாத்திரத்தை பாதியிலேயே முடித்து விட்டார் ரம்யம். இதனால் சில மாதங்கள் ஓய்வெடுத்து வந்த அந்த நடிகை, தற்போது முழு கவனம் செலுத்தி உடல் எடையைக் குறைத்துள்ளாராம். அம்மாவாக, அக்காவாக, அண்ணியாக கோடம்பாக்கத்தில் வலம் வருவதற்கு தயாராக இருக்கிறார்.

இவரது முயற்சிக்கு பலன் கிடைக்காமல் இல்லை கரகாட்ட பட இயக்குநரின் தயாரிப்பில், களவாணி பட இயக்கநர் ரீ-என்ட்ரி கொடுத்திருக்கிறாராம் நடிகை. ஹீரோவுக்கு அம்மாவாக, உள்ளம் தொடும் கதாபாத்திரத்தில் நடிக்கிறாராம் இந்தப்படம் வெளிவந்தபிறகு கோடம்பாக்கத்தின் கவனம் தன் பக்கம் திரும்பும் என்று உறுதியாக நம்புகிறார் கருத்தம்மா.

 

2 குழந்தைகளுக்கு அப்பா, அம்மாவாக நடிக்கும் சூர்யாவும், அனுஷ்காவும்!

சென்னை: மாசு படத்தில் சொதப்பிய சூர்யா அடுத்து, சிங்கம் 3 யில் இழந்ததை மீட்டு எடுக்க வேண்டிய கட்டாயத்தில் உள்ளார்.

அஞ்சான் மற்றும் மாசு இரண்டு படங்களும் கவிழ்த்ததில் சூர்யாவின் மார்க்கெட் சற்றே சரிந்துள்ளது, இந்த சரிவை சரிசெய்யும் நோக்கத்துடன் அடுத்து ஹரியுடன் கைகோர்க்கிறார் சூர்யா.

Singham 3 Update News

சிங்கம் மற்றும் சிங்கம் 2 வில் நாயகியாக நடித்த அனுஷ்கா சிங்கம் 3 படத்திலும் சூர்யாவின் ஜோடியாக நடிக்கிறார்.

முதலில் படத்தில் அனுஷ்கா இல்லை என்று கூறியவர்கள் தற்போது படத்தில் சூர்யாவின் மனைவியாக அனுஷ்காவை நடிக்க வைக்கப் போகிறார்களாம்.

சூர்யா - அனுஷ்கா இருவரும் 2 குழந்தைகளுக்கு அப்பா அம்மாவாக இந்தப் படத்தில் நடிக்கின்றனர். சிங்கம் 2 வில் ஹன்சிகாவை ஏற்கனவே கொன்று விட்டதால் இந்தப் படத்தில் வேறு ஒரு முன்னணி நடிகையை, இரண்டாவது நாயகியாக நடிக்க வைப்பதற்கு பேச்சு வார்த்தையில் இறங்கி இருக்கின்றனராம் படக்குழுவினர்.

 

இணையத்தில் வைரலாகும் “ காலெண்டர் கேர்ள்ஸ்” டீசர்- மகிழ்ச்சியில் இயக்குநர் மதூர் பந்தர்கர்

சென்னை: இந்தி இயக்குனரும் 3 முறை தேசிய விருது பெற்றவருமான மதூர் பந்தர்கர், சமீபத்தில் வெளியிட்ட காலெண்டர் கேர்ள்ஸ் படத்தின் டீசர் ரசிகர்களிடம் நல்ல வரவேற்பைப் பெற்றுள்ளது.

ரசிகர்கள் மட்டுமல்லாது, நட்சத்திரங்களும் டீசர் நன்றாக இருப்பதாக கருத்துத் தெரிவித்துள்ளனர். இதனால் மிகுந்த மகிழ்ச்சியடைந்த மதூர் பந்தர்கர் அனைவருக்கும் நன்றிகளைத் தெரிவித்துக் கொள்வதாக தனது ட்விட்டர் பக்கத்தில் குறிப்பிட்டுள்ளார்.

5 புதுமுகங்களை இந்தப் படத்தில் அறிமுகப்படுத்தி இருக்கிறார் மதூர். அகன்ஷ்யா புரி, கிரா தத், அவனி மோடி, சதருபா புனே மற்றும் ரூகி சிங் என 5 அழகிகளை வைத்து எடுக்கப்பட்டு இருக்கும் படம் காலெண்டர் கேர்ள்ஸ்.

வித்தியாசமான கோணங்கள், மனதைச் சுண்டி இழுக்கக் கூடிய இசை, தெளிவான காட்சிகள் இவற்றுடன் கண்ணுக்கு குளிர்ச்சியான 5 அழகிகளும் சேர்ந்து கொண்டதில் இணையத்தில் வைரலாகி வருகிறது டீசர்.

நேற்று வெளியான படத்தின் டீசர் இதுவரை 2 லட்சத்து 23 ஆயிரம் பேரால் பார்த்து ரசிகப்பட்டு உள்ளது குறிப்பிடத்தக்கது.

 

பிரபுதேவா தயாரிக்கும் படத்தில் ஜெயம் ரவி, விஜய் சேதுபதி

ரோமியோ ஜூலியட் பெற்ற வெற்றியில், அதே டீமுடன் அடுத்த படம் பண்ணத் தயாராகிவிட்டார் ஜெயம் ரவி. ஆனால் இந்த முறை அவருடன் விஜய் சேதுபதியும் இணைகிறார்.

லஷ்மண் இயக்கத்தில் ஜெயம் ரவி - ஹன்சிகா நடித்து இரு வாரங்களுக்கு முன் வெளியான படம் ரோமியோ ஜூலியட். படக்குழுவே எதிர்ப்பார்க்காத வெற்றி கிடைத்தது.

Jayam Ravi joins with Vijay Sethupathy for Prabhu Deva movie

படம் வெளியானதுமே, இயக்குநர் லஷ்மண் இன்னொரு வாய்ப்புக் கொடுத்தால் நிச்சயம் கால்ஷீட் தருவேன் என்று ஜெயம் ரவி தெரிவித்திருந்தார்.

இந்த நிலையில் நடிகரும் இயக்குநருமான பிரபு தேவா ஒரு புதிய படம் தயாரிக்கிறார். இதில் ஜெயம் ரவி, விஜய் சேது இணைந்து நடிக்கின்றனர். அந்தப் படத்தை லஷ்மண் இயக்க, இமான் இசையமைக்கிறார். ‘ரோமியோ ஜூலியட்' படத்திற்கு ஒளிப்பதிவு செய்த சௌந்தர்ராஜனே இந்தப் படத்துக்கும் ஒளிப்பதிவு செய்கிறார்.

கதாநாயகி, இதர தொழில்நுட்ப கலைஞர்கள் பற்றிய விவரம் விரைவில் அதிகாரப்பூர்வமாக வெளியாகவிருக்கிறது.

 

பட்டத்து யானையும் கன்றுக்குட்டியும்!

பாபநாசம் படத்தை பட்டத்து யானை என்று வர்ணித்துள்ள விவேக், தனது பாலக்காட்டு மாதன் படத்தை கன்றுக் குட்டி என வர்ணித்து, ஆதரவு கேட்டுள்ளார்.

விவேக் நடித்துள்ள பாலக்காட்டு மாதவன் படம் இன்று 150 அரங்குகளில் வெளியானது. இதே தேதியில் கமல் ஹாஸனின் பாபநாசம் 400 அரங்குகளில் வெளியாகியுள்ளது.

Vivek narrates himself as Calf

தாங்கள் வெளியீட்டுத் தேதியை அறிவித்து ஒரு மாதம் கழித்து திடீரென கமல் படத்தை அறிவித்து நெருக்கடி ஏற்படுத்தியதாகவும் ஆனாலும் படத்தை திட்டமிட்ட தேதியில்தான் வெளியிடுவோம் என்றும் விவேக் தரப்பில் கூறியிருந்தனர்.

உடனே கமலுக்கு போட்டியாக விவேக் என்று செய்திகள் கிளம்ப, கமலோடு நான் மோதவோ, போட்டி போடவோ இல்லை என்று விவேக் கூறினார்.

இந்த நிலையில் இன்று படம் வெளியானதும் அனைவருக்கும் விவேக் இப்படி ஒரு வேண்டுகோள் விடுத்துள்ளார்:

"நண்பர்களே! பாபநாசம் வரும் போதே பா.மாதவனும் வருகிறது. யானையின் கால்களுக்கு இடையில் ஒரு கன்றுக்குட்டி போல. இது துணிச்சல் தான். ஆனால் வேறு வழி இல்லை.

பண்டிகை நாட்களில் வரவேண்டிய பட்டத்து யானை திடீரென்று முன் அறிவிப்பின்றி வந்துவிட்டது. இருப்பினும், இது நாள்வரை கொடுத்த ஆதரவை இனியும் கொடுத்து கன்றுக்குட்டியையும் ஆதரிக்க வேண்டுகிறேன். - நடிகர் விவேக்."

-இவ்வாறு அவர் கேட்டுக் கொண்டுள்ளார்.

 

4 மொழிகளிலும் வெற்றிக் கொடி நாட்டிய திரிஷ்யம் 5 வது மொழியிலும் வெற்றி பெறுமா?

சென்னை: மலையாளப் படமான திரிஷ்யம் தமிழ், தெலுங்கு, மலையாளம் மற்றும் கன்னடம் என 4 மொழிகளிலும் வெளிவந்து மாபெரும் வெற்றியைப் பெற்றுள்ளது.

தமிழில் இன்று தானே படம் வெளியானது அதற்குள் மாபெரும் வெற்றிப் பட்டியலில் சேர்த்து விட்டீர்களே என்று யாரும் யோசிக்க வேண்டாம்.

4 Languages Get A Huge Success Of

தமிழில் இன்று வெளியாகி இருக்கும் பாபநாசம் ரசிகர்களிடம் மாபெரும் வரவேற்பைப் பெற்றுள்ளதால், பாபநாசம் திரைப்படத்தையும் வெற்றிப் பட்டியலில் இணைத்துக் கொண்டுளோம்.

நல்ல கதையை எந்த மொழியில் எடுத்தாலும் ரசிகர்கள் ஏற்றுக் கொள்வார்கள், என்ற உண்மையை மீண்டும் ஒருமுறை உரக்கச் சொல்லியிருக்கிறது திரிஷ்யம்.

தென்னிந்திய மொழிகளில் வெற்றிக் கொடி நாட்டிய திரிஷ்யம், அடுத்து அஜய் தேவ்கன் ஸ்ரேயா நடிப்பில் இந்தியிலும் வெளியாக இருக்கிறது.

இந்தியிலும் படம் வெற்றி பெரும் பட்சத்தில் ஒரு மாபெரும் சாதனையைப் படைத்த படம், என்ற வரிசையில் சமர்த்தாக இணைந்து விடும் திரிஷ்யம்.

திரிஷ்யம் இந்தியிலும் வெற்றி பெறுகிறதா என்று சற்றுப் பொறுத்திருந்து பார்க்கலாம் ...

 

நடிகர் கிருஷ்ணாவின் மனைவி உண்மையிலேயே கொடுமைக்காரரா? இணையத்தில் பெரும் ஆதரவு!

நடிகர் கிருஷ்ணா தன் மனைவி ஹேமலதா தன்னை கொடுமைப்படுத்துவதாகவும், ரத்தக் காயம் ஏற்படுமளவுக்கு தாக்கிதாகவும் கூறி விவாகரத்து கோரியுள்ளார் அல்லவா?

ஆனால் இந்த குற்றச்சாட்டு பொய்யானது என்று கூறி, இணையத்தில் ஹேமலதாவுக்கு ஆதரவாக கருத்துகளை பதிவிட்டு வருகின்றனர்.

Supporting voice for Actor Krishna's wife Hemalatha

குறிப்பாக ஃபேஸ்புக்கில் ஹேமலதாவின் ஆசிரியர் ஒருவர் எழுதியுள்ள பதிவை பலரும் பகிர்ந்து வருகின்றனர். அந்தப் பதிவு:

எஸ் என் எஸ் கல்லூரியில் ஆசிரியப் பணியில் இருந்தபோது என்னுடைய மாணவி கைவல்யா என்றழைக்கப்படுகிற ஹேமலதா. கணிப்பொறிப் பயன்பாட்டியலில் பொறியியல் பட்டம் பெற்ற எளிமையான குடும்பத்தைச் சேர்ந்த பெண்.

அவ்வப்போது ஏழைக் குழந்தைகள் மற்றும் கைவிடப்பட்டோர் இல்லங்களுக்குச் சென்று உதவும் மனப்பன்மை கொண்டவர்.

அப்படி ஏதோ ஒரு பொதுநிகழ்வில் அவரைக் கண்ட கழுகு மற்று வானவராயன் வல்லவராயன் போன்ற படங்களில் நடித்த நடிகர் கிருஷ்ணா எனும் நடிகர் ஹேமலதாவைத் திருமணம் செய்துகொள்ள வற்புறுத்தியிருக்கிறார். பெரியவர்கள் ஏற்பாட்டில் கோலாகலமாகத் திருமணமும் நடந்தது. நானும் குடும்பத்துடன் அத் திருமணத்தில் கலந்து கொண்டேன்.

ஆனால் திடுமென்று ஒரு செய்தி இப்போது செய்தித் தாளில் படித்து அதிர்ந்தேன். கைவல்யா தன்னைக் கொடுமைப்படுத்துவதாக கிருஷ்ணா சொல்வதாகவும் வழக்குத் தொடர்ந்திருப்பதாகவும் வந்த செய்தி அது.

ஆதரவற்றோருக்கு தனது சம்பளத்தில் ஒரு பகுதியைக் கொடுத்து உதவி, அவர்களின் மேல் அன்பு செலுத்திவரும் நல்ல பெண் அவர் என்பதை நானறிவேன். என்னையும் அவரையும் தெரிந்த மாணவர்கள் ஆசிரியர்கள் அறிவார்கள்.

கைவல்யாவை மிகவும் அறிந்தவன் என்பதால் உறுதியாகச் சொல்கிறேன், கைவல்யா (எ) ஹேமலதா மீது அவதூறாகப் பரப்பப்படும் செய்தி முழுக்க முழுக்க சதியே.

மீடியாவும் அரசியலும் பணமுள்ள பக்கமே பாயும் என்பதால் நம்மால் முடிந்தவரை அவருக்கு நிம்மதியான வாழ்க்கை திரும்பக் கிடைக்க உதவுவோம்.
நான் கைவல்யா எனும் ஹேமலதா என்ற அன்பு மாணவிக்கு ஆதரவளித்தும் புகழ் மற்றும் பணபலம் நோக்கும் ஊடகத்தின் தன்மையை எதிர்த்தும் கையை உயர்த்துகிறேன்....
நீங்கள்?
பகிருங்கள்.... முடிந்தவரை
நான் கொடுத்துள்ள (கருமையில் I support Kaivalya) படத்தை ஓருசில நாட்கள் அடையாளப் படமாக வைத்துதவுங்கள், மனமிருந்தால்!"

-இவ்வாறு அதில் தெரிவித்துள்ளார்.

 

தூங்கா வனத்தை ஜூலையில் முடிக்கத் திட்டமிடும் கமல் – பம்பரமாய்ச் சுழலும் படக்குழுவினர்

சென்னை: உலக நாயகன் கமல் நடிப்பில் இன்று திரைக்கு வரும் பாபநாசம் திரைப்படத்தைத் தொடர்ந்து, தற்போது நடித்துக் கொண்டிருக்கும் தூங்கா வனம் படத்தின் படப்பிடிப்பை இந்த மாதமே முடிக்கத் திட்டமிட்டுள்ளார்.

தமிழ், தெலுங்கு என இரு மொழிகளில் உருவாகும் தூங்காவனம் படத்தின் படப்பிடிப்பு ஏற்கனவே பாதி முடிந்து விட்டது, மீதிப் படத்தையும் இந்த மாதத்திற்குள் முடிக்கத் திட்டமிட்ட கமல் தற்போது அதற்காக முழு மூச்சில் செயல்பட்டுக் கொண்டிருக்கிறாராம்.

Kamal Haasan's 'Thoongavanam' to Wrap Up in July

கமலின் உதவியாளர் ராஜேஷ் என் செல்வா இயக்கும் இந்தப் படம் ஸ்லீப்லெஸ் என்ற ஆங்கிலத் திரைப்படத்தின் ரீமேக் என்று கூறுகின்றனர், இந்த மாதம் ஷூட்டிங்கை முடித்து தமிழ், தெலுங்கு என இரு மொழிகளிலும் படத்தை டிசம்பர் மாதம் திரைக்குக் கொண்டுவரத் திட்டமிட்டு இருக்கின்றனர் படக்குழுவினர்.

தூங்கா வனம் படத்தில் போலீஸ் ஆபிசராக நடிக்கும் கமல், ஒரு இரவில் ஸ்டைலான திரில்லராக மாறுவது போன்ற கதையாம். இதில் கமலின் பார்ட்னராக பிரகாஷ் ராஜ் நடித்திருக்கிறாராம்.

Kamal Haasan's 'Thoongavanam' to Wrap Up in July

படத்தில் நடிகை த்ரிஷாவும் போலீஸ் வேடத்தில் நடிப்பது குறிப்பிடத்தக்கது, பாபநாசம் திரைப்படத்தில் நடித்த ஆஷா சரத், உமா ரியாஸ்கான் மற்றும் கிஷோர் ஆகியோர் முக்கியமான வேடங்களில் படத்தில் நடிக்கின்றனர்.

உத்தம வில்லன், பாபநாசம் படங்களைத் தொடர்ந்து இந்தப் படத்திற்கும் இசையமைக்கிறார் இசையமைப்பாளர் ஜிப்ரான்.

 

முத்திரை பதித்து விட்டார் கமல்.. பாபநாசம் குறித்து ட்விட்டரில் ரசிகர்கள் உற்சாகம்!

சென்னை: உலகநாயகன் கமலஹாசன் நடிப்பில் இன்று வெளிவந்திருக்கும் பாபநாசம் திரைப்படம் ரசிகர்களிடம் மாபெரும் வரவேற்பைப் பெற்று இருக்கிறது. மலையாளத்தில் இயக்கிய ஜீது ஜோசப்பே தமிழிலும் இயக்கியிருப்பதால் படம் நன்றாக வந்திருக்கிறது.

Papanasam  Movie  Fans Review

பாபநாசம் படத்தை சமூக வலைதளங்களில் பலரும் பாராட்டி வருகின்றனர், குறிப்பாக கமலின் நடிப்பை எல்லோரும் புகழ்ந்து தள்ளியிருக்கின்றனர். ரசிகர்களின் பாராட்டுகளைக் கீழே காணலாம்.

ஒரே ஒரு மாற்றம் என்னவெனில் படத்தின் மொழி, மற்றும் நடிகநடிகையர் மட்டும் மாறியிருக்கின்றனர். உலகநாயகன் தனது நடிப்பில் முத்திரை பதித்து இருக்கிறார் என்று ரசிகர்கள் பாராட்டியுள்ளனர்.

படம் எல்லாவற்றையும் அடித்து நொறுக்கி விட்டது, கண்டிப்பாக பிளாக்பஸ்டர் தான் என்று கொண்டாடுகின்றனர் ரசிகர்கள். கமல் நெல்லைத் தமிழில் பேசியது மட்டுமின்றி, சுயம்புலிங்கமாகவும் மாறி இருக்கிறார், கமலின் நடிப்பு ஆவேசம் என்று புகழ்ந்து தள்ளுகின்றனர்.

படத்தின் வசனங்கள் நன்றாக இருக்கின்றன, குறிப்பாக ஆஷா சரத் பேசுவது மற்றும் அந்தக் கிளைமாக்ஸ் சூப்பர் என்று கூறியுள்ளார் ஒரு ரசிகர்.

தொடர்ந்து பாராட்டு மழையில் நனைந்து வருகின்றது பாபநாசம் திரைப்படம்.

 

மனிஷா யாதவுக்கு முத்தம் கொடுக்க 36 டேக் வாங்கிய ஜி.வி. பிரகாஷ்

சென்னை: த்ரிஷா இல்லன்னா நயன்தாரா படத்தில் வரும் ஒரு முத்தக்காட்சியில் நடிக்க ஜி.வி. பிரகாஷ் 36 டேக்குகள் வாங்கியுள்ளார்.

இசையமைப்பாளராக கோலிவுட் வந்த ஜி.வி. பிரகாஷ் தற்போது ஹீரோவாகிவிட்டார். டார்லிங் பேய் படத்தை அடுத்து அவர் நடித்துள்ள படம் த்ரிஷா இல்லன்னா நயன்தாரா. ஆதிக் ரவிச்சந்திரன் இயக்கியுள்ள இந்த படத்தில் ஜி.வி.க்கு ஜோடியாக ஆனந்தி, மனிஷா யாதவ் ஆகியோர் நடித்துள்ளனர். சிம்ரன் முக்கிய கதாபாத்திரத்தில் நடித்துள்ளார்.

G.V. Prakash asks for 36 takes to kiss Manisha Yadav

படத்திற்கு ஜி.வி. பிரகாஷ் இசையமைத்துள்ளார். படத்தில் ஜி.வி. பிரகாஷ், மனிஷா யாதவ் இடையேயான முத்தக் காட்சி உள்ளது. அந்த காட்சியில் நடிக்க ஜி.வி. மிகவும் அஞ்சியுள்ளார். அவர் பதற்றம் அடைந்ததால் காட்சி சரியாக வராமல் 36 டேக்குகள் வாங்கியுள்ளார்.

ஹீரோ அத்தனை டேக் வாங்கியபோதிலும் மனிஷா கோபம் அடையாமல் பொறுமையாக அந்த காட்சியில் நடித்துக் கொடுத்தாராம். ஒரு வழியாக ஜி.வி. முத்தக் காட்சியை முடித்த பிறகு இயக்குனர் அம்மாடி என்று நிம்மதி பெருமூச்சு விட்டாராம்.

இந்த படத்தில் ப்ரியா ஆனந்த் கௌரவ வேடத்தில் வருகிறார் என்பது குறிப்பிடத்தக்கது.