Latest Post

'இந்தப் புலிவேந்தன் ஆளப் பிறந்தவன் இல்லை.. மக்கள் வாழப் பிறந்தவன்..'

சென்னை: இன்று ரிலீசான புலியை சத்யம் சத்யம் செரீன் அரங்கில் பார்த்தோம்.. படத்திலிருந்து சில முக்கிய அம்சங்கள்...

Puli (U): இப்போதே உங்கள் டிக்கெட்டை புக்செய்யுங்கள்!

Vijay fans erupt in celebrations

  • படம் முழுக்க விஜய்கெகன அதிரடியாக ஆக்ஷன் காட்சிகள்.
  • பிரமாண்ட அரக்கனுடன் மோதும் காட்சி விஜய் ரசிகர்களுக்கு விருந்து.
  • தீக்குழாய்க்குள் புகுந்து வெளியேறும் காட்சியில், அடுத்து என்ன என்ற ஆர்வம் வேலிடுகிறது.
  • கரும்புலியோடு பாய்ந்து போடும் சண்டை ஆக்ரோஷம். கடைசியில் இந்தப் புலியிடம் அந்த கரும்புலி தோற்று ஓடுகிறது.
  • ஹன்சிகா செம கியூட்டாக, அழகாக, கவர்ச்சியாக இருக்கிறார். அவருக்கு இரண்டு பாடல்கள். ஸ்ருதியை விட செமையாக இருக்கிறார்.
  • குழந்தைகளுக்குப் பிடித்தமாதிரி நிறைய காட்சிகள்.
  • இடைவேளைக்குப் பிறகு இன்னொரு விஜய்.. நீண்ட கூந்தலுடன்.. அறிமுகமே அதிரடியாக இருக்கிறது.
  • ஜிங்கிலியா பாட்டில் குள்ள மனிதராக வருகிறார் விஜய். ஸ்ருதியோடு செம ஆட்டம் போடுகிறார்.
  • அனைத்துத் தியேட்டர்களிலும் ஹவுஸ்புல். நாளை கூட டிக்கெட் இல்லை சத்யம் சினிமாஸ் அரங்குகளில்.
  • திரண்டு வந்த விஜய் ரசிகர்கள் கூட்டத்தால் அந்தப் பகுதியே ட்ராபிக் ஜாம்.
  • 'இந்தப் புலிவேந்தன் ஆளப் பிறந்தவன் இல்லை.. மக்கள் வாழப் பிறந்தவன்..' - விஜய்யின் பஞ்ச்களிலிருந்து ஒரு சாம்பிள்.
  • பைனல் டச்... படத்தில் சர்வாதிகாரம் செய்து வரும் ராணி மனம் மாறி விஜய்யை அந்த நாட்டுக்கு அரசனாக்கிவிடுகிறார். அப்போது விஜய் சொல்கிறார்... 'நாட்டுக்கே ராஜாவானாலும் நான் உங்களில் ஒருத்தன்!'

-எப்பூடி!

 

தெலுங்கானா, ஆந்திர மாநிலங்களில் நாளை வெளியாகிறது விஜயின் புலி

ஹைதராபாத்: தமிழ்நாடு முழுவதும் இன்று வெளியான விஜயின் புலி திரைப்படம் தெலுங்கானா மற்றும் ஆந்திர மாநிலங்களில் நாளை வெளியாகிறது.

Puli (U): இப்போதே உங்கள் டிக்கெட்டை புக்செய்யுங்கள்!

இன்று காலையில் வெளியாகவிருந்த புலி திரைப்படம் பணப்பிரச்சினைகளால் தள்ளிப் போய் சற்று தாமதமாக வெளியானது. இதே போன்று பணப்பிரச்சினையின் காரணமாக ஆந்திர மற்றும் தெலுங்கானா மாநிலங்களில் புலி திரைப்படம் வெளியாகவில்லை.


இதனை அதிகாரப்பூர்வமாக ஆந்திர பாக்ஸ் ஆபிஸ் ட்விட்டரில் அறிவித்து இருக்கின்றனர். மேலும் அவர்கள் கூறும்போது விஜய் நடவடிக்கை எடுத்தால் மட்டுமே படம் நாளை வெளியாகும் என்று வெளிப்படையாக தெரிவித்து இருக்கின்றனர்.

புலி படத்தின் தெலுங்கு உரிமை மட்டுமே சுமார் 8 கோடிகளுக்கும் அதிகமாக விலை போனது.2 மாநிலங்களிலும் சேர்த்து 400 திரையரங்குகளில் புலி படத்தினை திரையிட விநியோகஸ்தர்கள் முடிவு செய்திருந்தனர். இந்நிலையில் எதிர்பாராத விதமாக புலி படம் இன்று தள்ளிப் போயிருக்கிறது.

சுமார் 60% டிக்கெட்டுகள் இன்றைய காட்சிக்கு பதிவு செய்யப்பட்டு இருந்ததாகவும், இன்று படம் திரையிடப்படாததால் பணத்தை ரசிகர்களிடம் திரும்பக் கொடுத்து விட்டதாகவும் ஆந்திர, தெலுங்கானா மாநில திரையரங்க உரிமையாளர்கள் தெரிவித்து இருக்கின்றனர்.

பிரச்சினைகள் தீர்ந்து நாளை புலி திரைப்படம் திரையரங்குகளில் வெளியாகுமா? என்று தெலுங்கு ரசிகர்கள் ஆர்வமுடன் காத்துக் கொண்டு இருக்கின்றனர்.

 

திருமணம் நிரந்தர பந்தம் அல்ல: சல்மான் கானின் வில்லங்க கருத்து

மும்பை: திருமணம் என்பது நிரந்தரமான பந்தம் அல்ல என்று கூறி அனைவரையும் அதிர்ச்சி அடைய வைத்துள்ளார் நடிகர் சல்மான் கான்.

பாலிவுட் நடிகர் சல்மான் கானுக்கு 49 வயது ஆகுகிறது. ஆனால் இன்னும் மனிதர் திருமணம் செய்து கொள்ளாமல் ஜாலியாக சிங்கிளாக உள்ளார். அவரது தம்பிகள், தங்கைகளுக்கு திருமணமாகி குழந்தைகள் உள்ளனர். கடந்த ஆண்டு திருமணமான கடைசி தங்கை அர்பிதா கூட தற்போது கர்ப்பமாக உள்ளார்.

Salman Khan's Shocking Comments On Marriage

இந்நிலையில் தான் சல்மான் தனது ரசிகர்களை அதிர்ச்சி அடைய வைத்துள்ளார். பிக் பாஸ் ரியாலிட்டி ஷோவின் விளம்பர நிகழ்ச்சியில் கலந்து கொண்ட சல்மானிடம் அவரின் திருமணம் பற்றி செய்தியாளர்கள் கேட்டனர்.

அதற்கு அவர் கூறுகையில்,

திருமணம் என்பது தற்போது வாழ்நாள் பந்தம் இல்லை. காலம் மாறிவிட்டது. தற்போது தற்காலிக திருமணம் செய்து கொள்ளும் காலம். நீங்கள் என்னை நிரந்தரமாகவா அல்லது தற்காலிகமாக திருமணம் செய்து கொள்ளச் சொல்கிறீர்களா என்றார்.

இத்தனை நாட்களாக திருமணம் பற்றி கேட்டால் சிரித்து மழுப்பி வந்த அவர் தற்போது இப்படி ஒரு வில்லங்கமான பதிலை அளித்துள்ளார்.

 

புலி - விமர்சனம்

-எஸ் ஷங்கர்

Rating:
3.0/5

நடிகர்கள்: விஜய், ஹன்சிகா, ஸ்ருதி ஹாஸன், ஸ்ரீதேவி, சுதீப், தம்பி ராமய்யா, பிரபு

Puli (U): இப்போதே உங்கள் டிக்கெட்டை புக்செய்யுங்கள்!

ஒளிப்பதிவு: நடராஜ் (நட்டி)

இசை: தேவி ஸ்ரீ பிரசாத்

தயாரிப்பு: பிடி செல்வகுமார், ஷிபு தமீன்ஸ்

இயக்கம்: சிம்பு தேவன்

மனித உருவில் இருக்கும் அதிசக்தி வாய்ந்த வேதாளங்கள் மனித குலத்தை ஆட்டிப் படைக்கின்றன. இவர்களின் ராணியான ஸ்ரீதேவி 56 ஊர்களை ஆள்கிறார். இந்த ஊர்களில் வாழும் மக்களை துன்புறுத்தி, கொள்ளையடித்து வாழ்கின்றன வேதாளங்கள்.

இதை எதிர்க்கும் ஒரு ஊரின் தலைவரான பிரபு, மக்களுடன் போய் ராணியைச் சந்தித்து முறையிடுகிறார். அங்கே வேதாளங்கள் மக்களைக் கொல்கிறார்கள். பிரபுவின் கையை வெட்டி அனுப்புகின்றனர். அப்போதுதான் ஆற்றில் மிதந்து வருகிறது ஒரு குழந்தை. அந்தக் குழந்தையை எடுத்து வளர்க்கிறார் பிரபு. அந்தக் குழந்தைதான் விஜய்.

Puli Review

அதே ஊரைச் சேர்ந்த ஸ்ருதிக்கும் விஜய்க்கும் காதல். ஒரு டூயட் முடிந்ததும் இருவரும் திருமணம் செய்து கொள்கிறார்கள். திருமணமான அன்றே ஸ்ருதியை தூக்கிக் கொண்டு போகின்றன(ர்) வேதாளங்கள். ஸ்ருதியை மீட்க வேதாளக் கோட்டைக்குப் போகிறார் விஜய்.

சர்வ சக்தி படைத்த வேதாளங்களையும், மாய தந்திரங்கள் தெரிந்த அவர்களின் ராணி ஸ்ரீதேவியையும் எப்படி வெல்கிறார் விஜய்? விஜய் உண்மையில் யார்? என்பதெல்லாம் மீதிக் கதை.

Puli Review

ஆதியந்தமில்லாத ஒரு கற்பனை உலகில் கதை நடப்பது போலக் காட்டியிருக்கிறார்கள். ஆனால் நிகழ்காலத்தில் பயன்படுத்தும் வழக்குச் சொற்களை வசனங்களாக்கியதில் படத்தின் அழுத்தம் அடிபட்டுப் போகிறது.

படம் முழுக்க ஆட்டம் பாட்டு அதிரடி சண்டைகள், பிரமிக்க வைக்கும் கிராபிக்ஸ் செட்டுகள் என அனைத்து பொழுதுபோக்கு அம்சங்களும் இருந்தாலும், அவற்றை சுவாரஸ்யமாகத் தருவதில் கோட்டை விட்டிருக்கிறார் இயக்குநர் சிம்பு தேவன். பெருமளவு காட்சிகள் டல்லடித்தபடி நகர்கின்றன.

Puli Review

அந்த ஒற்றைக் கண் மனிதன் காரெக்டர் முழுக்க கிராபிக்ஸ் என்பது அப்பட்டமாகத் தெரிகிறது. படம் முழுக்க அத்தனை பாத்திரங்களும், அந்த கிராபிக்ஸ் கரும்புலி உள்பட ஆ என வாயைப் பிளந்து பல்லைக் காட்டியபடியே இருக்கிறார்கள். அல்லது தாவித் தாவி பறக்கிறார்கள். வேதாளங்களின் சக்தியாம் இதெல்லாம்!

அதியுச்ச கற்பனைக் கதை என்று கூறி விஜய்யிடம் கால்ஷீட் வாங்கியவர்கள், அவரை வித்தியாசமாக தோன்ற, நடிக்க வைத்திருக்க வேண்டாமா? எல்லோரும் சடாமுடியுடன் இருக்க, விஜய்க்கு மட்டும் பக்காவாக சம்மர் கட்டிங். இப்படியெல்லாம் யாரும் கேட்டுவிடக்கூடாது என்பதற்காகத்தான், இது லாஜிக்கே இல்லாத கற்பனை உலகம் என்று சொல்லிவிட்டார்கள் போலும்!

சித்திரக் குள்ளர்கள், பேசும் பறவைகள், பெரும் அரக்கர்கள், மந்திர சக்தி படைத்த ஸ்ரீதேவி என சுவாரஸ்யப்படுத்த எத்தனையோ விஷயங்கள் இருந்தாலும், அவை ஜஸ்ட் லைக் தட் கடந்து போகின்றன.

மிகப் பிரமாதமான ஆட்டத்துடன் அறிமுகமாகிறார் விஜய். மருதீரனாகவும் புலிவேந்தனாகவும் அவர் தன் பங்கை முழுமையாகச் செய்திருந்தாலும், அவரை இன்னும் சிறப்பாகக் காட்டியிருக்கலாம் இயக்குநர்.

ஆனால் புலிவேந்தனாக வரும் விஜய் பாத்திரம், தன் மக்களுக்காக விஷம் குடித்து சாகும் தருணத்தில் நடிப்பு அபாரம். அவரது உதடுகள் கூட நடித்துள்ளன.

ஸ்ருதியுடன் ரொமான்ஸ், ஹன்சிகாவுடன் கற்பனையில் ரொமான்ஸ் என அதில் குறை வைக்கவில்லை.

Puli Review

ஆனால் அவரது வசன உச்சரிப்பில் ரொம்பவே செயற்கைத்தனம். படம் முழுக்க தடுமாறித் தடுமாறி அவரைப் பேச வைத்திருப்பது என்ன மாதிரி ஸ்டைல் என்பதை சிம்பு தேவன்தான் விளக்க வேண்டும்.

இரண்டு நாயகிகளுக்கும் பெரிய வேலையில்லை. ஆரம்பத்தில் 25 நிமிடங்களில் ஒரு டூயட் பாடிவிட்டு காணாமல் போகும் ஸ்ருதி, இடைவேளைக்குப் பின் மயக்க நிலையில் படுத்தவர், க்ளைமாக்ஸின் கடைசி நொடியில்தான் எழுகிறார். அவர் வேலை அவ்வளவுதான்.

விஜய்யை ஒருதலையாகக் காதலித்து இரண்டு பாடல் பாடும் வேடம் ஹன்சிகாவுக்கு. ஆள் அம்சமாக இருக்கிறார்.. ஆனால் மேக்கப் முகத்தில் அடிக்கிறது!

சில காட்சிகளில் ஸ்ரீதேவியைப் பார்க்க பயமாக இருக்கிறது. க்ளைமாக்ஸில் விஜய்யுடன் அவர் போடும் வாள்சண்டை பிரமிக்க வைக்கிறது.

சுதீப்பை இன்னும் சிறப்பாகப் பயன்படுத்தி இருக்கலாம். எப்போது பார்த்தாலும் அந்த உயரமான நாற்காலில் கோணலாக சாய்ந்தபடி உட்கார்ந்திருக்கிறார். அரை பாடலுக்கு நடனமாடி, இரண்டு சண்டைகள் போட்டு செத்துப் போகிறார்.

தம்பி ராமய்யாவுக்கு பச்சைத் தவளையை நக்கி வழி கேட்கும் பாத்திரம். பெரிதாக சிரிப்பு வரவில்லை. சத்யனும் அப்படியே. ஆனால் ஒரு காட்சியில் குபீரென சிரிப்பு கிளம்பும்.. படம் முழுக்க விஜய்யுடன் வரும் பேசும் பறவை பாவ விமோசனம் பெற்று எழும்.. அது கருணாஸாம்!

பிரபு, விஜயகுமார், நரேன், ஜோ மல்லூரி என நடிகர் பட்டாளம் கொடுத்த வேலையைச் செய்துள்ளனர்.

எது செட், எது கிராபிக்ஸ், எது நிஜம் எனப் பிரித்துப் பார்க்க முடியாதபடி சிறப்பான கலையமைப்பு, ஒளிப்பதிவு மற்றும் கிராபிக்ஸ் பணிகள் செய்துள்ளனர். இதே அளவு அக்கறையை ஸ்க்ரிப்டில் காட்டியிருக்கலாம் இயக்குநர்.

Puli Review

பறவை முட்டையுடன், ஆற்றில் குழந்தை அடித்து வருதல், பெரிய அரண்மனையில் முதலைக் கறியுடன் வைக்கப்படும் பிரமாண்ட விருந்து, அதற்கான பின்னணி இசை, ஆமை துப்புதல் போன்றவையெல்லாம் ஏற்கெனவே வந்த சில படங்களின் காட்சிகளை நினைவூட்டுகின்றன.

தேவி ஸ்ரீ பிரசாதின் இசையில் இரண்டு பாடல்கள் ஓகே. பின்னணி இசை உயிரோட்டமாக இல்லை.

அத்தனை சுலபத்தில் கிடைக்காத விஜய் கால்ஷீட், முதல் நிலை தொழில்நுட்பக் கலைஞர்கள், கொட்டிக் கொடுக்க தயாரிப்பாளர்கள் இருக்கும்போது, 'ச்சும்மா பூந்து விளையாடி' இருக்க வேண்டாமா சிம்பு தேவன்?

 

மகன் தயாரிப்பில் 'கத்தி' தெலுங்கு ரீமேக்கில் நடிக்கும் சிரஞ்சீவி

ஹைதராபாத்: மெகாஸ்டார் சிரஞ்சீவி விஜய் நடிப்பில் வெளியான கத்தி படத்தின் தெலுங்கு ரீமேக்கில் ஹீரோவாக நடிக்கிறார்.

மெகாஸ்டார் சிரஞ்சீவி அரசியலில் பிசியாக இருந்துவிட்டதால் சில ஆண்டுகளாக படங்களில் நடிக்காமல் இருந்தார். 149 படங்களில் நடித்த அவரை 150வது படத்தில் நடிக்க வேண்டும் என்று ரசிகர்கள் தொடர்ந்து கோரிக்கை விடுத்து வந்தனர். இந்நிலையில் சிரஞ்சீவி தனது 150வது படத்தில் நடித்துவிட்டார்.

Chiranjeevi all set to act in Kaththi telugu remake

150வது படம் என்றால் அவர் ஹீரோவாக நடிக்கவில்லை மாறாக தனது மகன் ராம் சரண் தேஜாவின் ப்ரூஸ் லீ படத்தில் கௌரவத் தோற்றத்தில் நடித்துள்ளார். அப்படி என்றால் ஹீரோவாக இல்லையா என்று கேட்டால் கவலைப்படாதீர்கள் சிரஞ்சீவி ஹீரோவாக நடிக்கத் தயாராகிவிட்டார்.

ஏ.ஆர். முருகதாஸ் இயக்கத்தில் விஜய் நடித்த சூப்பர் ஹிட் படமான கத்தியை தெலுங்கில் ரீமேக் செய்து நடிக்கிறார் சிரஞ்சீவி. படத்தை தயாரிப்பது வேறு யாரும் அல்ல அவரது மகன் ராம் சரணே தான். தெலுங்கு ரீமேக்கின் திரைக்கதையை எழுதும் பொறுப்பு முருகதாஸிடம் அளிக்கப்பட்டுள்ளது.

கத்தியை தெலுங்கு ரசிகர்களுக்கு ஏற்றது போன்று கதையை மாற்ற உள்ளாராம் முருகதாஸ். படப்பிடிப்பு அடுத்த மாதம் துவங்கும் என்று கூறப்படுகிறது.

 

சிவாஜி சிலைக்கு மாலை அணிவித்து மரியாதை செலுத்திய பிரபு குடும்பத்தினர்

சென்னை: நடிகர் திலகம் சிவாஜி கணேசனின் 87 வது பிறந்த நாளான இன்று, பிரபு குடும்பத்தினர் அவரது திருவுருவச் சிலைக்கு மாலை அணிவித்து மரியாதை செலுத்தினர்.

இந்த நிகழ்ச்சியில் ராம் குமார்,பிரபு, விக்ரம் பிரபு உள்ளிட்ட குடும்பத்தினர் கலந்து கொண்டனர். சிவாஜி சிலைக்கு மாலை அணிவித்த பிரபு குடும்பத்தினர் சிலையை வணங்கி மரியாதை செலுத்தினர்.

Prabhu and Vikram Prabhu at Shivaji Statue

சிவாஜி சிலைக்கு பிரபு குடும்பத்தினர் வந்த விபரம் தெரிந்ததும் அங்கு ஏராளமான பத்திரிகையாளர்கள் குவிந்தனர. இதனால் அந்தப் பகுதியில் சிறிது நேரம் பரபரப்பு ஏற்பட்டது.

மேலும் அரசியல் கட்சியைச் சேர்ந்த பலரும் இன்று சிவாஜி சிலைக்கு மாலை அணிவித்து, தங்கள் மரியாதையை செலுத்தினர்.

முன்னதாக நள்ளிரவு 12 மணிக்கு மேல் "சிவாஜி கணேசன் தமிழ்நாட்டின் பெருமைகளில் ஒன்றாக மாறியவர். தமிழ் சினிமாவை உலக அரங்கிற்கு எடுத்துச் சென்றவர். இவரைப் போன்று யாரும் இன்றுவரை உருவாகவில்லை, நான் அவரின் பேரன் என்பதில் பெருமிதம் கொள்கிறேன் என்று தனது ட்விட்டர் பக்கத்தில் சிவாஜியின் பிறந்தநாளை விக்ரம் பிரபு நினைவு கூர்ந்தது குறிப்பிடத்தக்கது.

 

கடைசி நிமிடத்தில் ரூ 5 கோடி சொந்தப் பணம் செலுத்தி புலியை ரிலீஸ் செய்த விஜய்!

புலி படத்துக்கு கடைசி நேரத்தில் ரூ 5 கோடி சொந்த உத்தரவாதம் கொடுத்து வெளியிட்டுள்ளார் நடிகர் விஜய்.

Puli (U): இப்போதே உங்கள் டிக்கெட்டை புக்செய்யுங்கள்!

புலி படம் கடைசி நேரத்தில் பல்வேறு சிக்கல்களைச் சந்தித்தது. வருமான வரித் துறையினர் மேற்கொண்ட திடீர் சோதனைதான் இந்தப் படம் வெளியாவதில் ஏற்பட்ட தாமதத்துக்குக் காரணம் கூறப்பட்டது.

Vijay's last minute help to release Puli

ஆனால் உண்மையில், நிதிச் சிக்கல் மற்றும் தொழில்நுட்பக் கோளாறுதான் படத்தை உரிய நேரத்தில் வெளியாகாமல் தடுத்துவிட்டன.

இன்று காலை 8 மணி வரை படம் வெளியாகுமா இல்லையா என்ற கேள்விகள் நிலவியதால், தமிழ் திரையுலகப் பிரமுகர்கள் ஜெமினி லேபில் குவிந்தனர். தயாரிப்பாளர் சங்க செயலாளர் டி சிவா முன் நின்று பேச்சுவார்த்தை நடத்தினார்.

இந்த நிலையில் நிலைமையின் தீவிரம் அறிந்து நடிகர் விஜய்யே நேரில் வந்து தன் சொந்தப் பணம் ரூ 5 கோடியை உறுதியாகக் கொடுத்து படத்தை வெளியிட வழி செய்தார்.

அவர் மட்டும் இந்தப் பணத்தைத் தராமலிருந்தால் இன்று புலி வெளியாகியிருக்காது என்கிறார்கள் திரையுலகினர்.

 

தெரிந்துதான் வேதாளம் என்று தலைப்பு வைத்தாரா அஜீத்?!

புலியில் மனித குலத்தை ஆட்டிப் படைக்கும் சக்தி வாய்ந்த இனமாக வருகிறார்கள் வேதாளங்கள். படத்தின் முடிவில் ஹீரோ விஜய்யும் ஒரு வேதாளம் என்பது தெரிய வரும். இருந்தும் மனித இனத்தைக் காக்கும் வேதாளமாக விஜய் அவதாரமெடுப்பார்.

Why Ajith selects Vedhalam title?

இந்த புலி படத்தின் இரண்டாவது ட்ரைலர் வெளியான போதுதான், அஜீத்தின் புதிய பட தலைப்பு மற்றும் முதல் பார்வை போஸ்டர் வெளியானது. தலைப்பு: வேதாளம்.

அன்றைக்கு இந்தத் தலைப்பைப் பார்த்தவர்கள், இதென்ன இப்படி வைத்திருக்கிறார்களே என கமெண்ட் அடித்தனர். இப்போது புலி படம் பார்த்த பலரும், இந்தப் படத்தின் கதை அல்லது காட்சி தெரிந்துதான் அஜீத் தன் படத்துக்கு வேதாளம் என்ற தலைப்பைச் சூட்டினாரோ என முணுமுணுக்க ஆரம்பித்துள்ளனர் (படத்தின் முதல் காட்சியிலேயே வேதாளத்தின் காலில் விழுந்து விஜய் மன்னிப்பு கேட்பது போல ஒரு காட்சி வைத்துள்ளனர்).

அஜீத் படத் தலைப்பு வெளியான போது விஜய் ரசிகர்கள் இணையத்தில் கலாய்த்துக் கொண்டிருந்தனர். இப்போது புலியில் வரும் வேதாளத்தை அஜீத் ரசிகர்கள் ஓட்ட ஆரம்பித்துள்ளனர்.

இது எதில் போய் முடியப் போகிறதோ!

 

நரேனின் கத்துக்குட்டி படத்தை வெளியிட உயர்நீதிமன்றம் தடை

சென்னை: விஜயின் புலி படத்துடன் இன்று வெளியாகவிருந்த கத்துக்குட்டி திரைப்படத்திற்கு உயர்நீதிமன்றம் தடை விதித்திருக்கிறது. இதனால் இன்று வெளியாகவிருந்த கத்துக்குட்டி திரைப்படத்தின் ரிலீஸ் தேதி தள்ளிப் போயிருக்கிறது.

நரேன், சூரி இவர்களுடன் ஸ்ருஷ்டி டாங்கே இணைந்து நடித்திருந்த கத்துக்குட்டி திரைப்படம் இன்று வெளியாகும் என்று ஏற்கனவே அறிவிக்கப்பட்டு இருந்தது.

Kathukutti Movie Banned?

இந்தநிலையில் இந்த படத்தை வெளியிட தடை கேட்டு சென்னை ஐகோர்ட்டில் நிலா சாட்சி தயாரிப்பு நிறுவனத்தின் உரிமையாளர் அன்வர்கபீர் வழக்கு தொடர்ந்தார்.

அந்த வழக்கில், ‘ஓன் புரொடக்சன்' நிறுவனம் கத்துக்குட்டி என்ற படத்தை வெளியிட உள்ளது. இந்த படத்தின் தயாரிப்பு செலவு தொடர்பாக ‘ஓன் புரொடக்சன்' நிறுவனத்தின் உரிமையாளர் ராம்குமார், எங்கள் நிறுவனத்துடன் கடந்த மார்ச் மாதம் ஒப்பந்தம் செய்தார்.

இந்த ஒப்பந்தத்தின்படி பணத்தை எனக்கு தராமல், படத்தை வெளியிடுவதாக விளம்பரம் செய்துள்ளனர். எனவே, படத்தை வெளியிட தடை விதிக்கவேண்டும்' என்று கூறியிருந்தார்.

Kathukutti Movie Banned?

இந்த மனுவை விசாரித்த நீதிபதி ரவிசந்திரபாபு நேற்று பிறப்பித்த உத்தரவில், ‘ஒப்பந்தத்தின் அடிப்படையில் வழங்கவேண்டிய பணத்தை ‘டெப்பாசிட்' செய்து விட்டால், படத்தை வெளியிடலாம். பணத்தை டெப்பாசிட் செய்யவில்லை என்றால், கத்துக்குட்டி படத்தை வெளியிடக்கூடாது. இந்த படத்தை வெளியிட 2 வாரத்துக்கு தடை விதிக்கின்றேன்' என்று உத்தரவிட்டுள்ளார்.

இதனால் தற்போது கத்துக்குட்டி படத்தின் வெளியீடு தள்ளிப் போயிருக்கிறது.

 

தள்ளிப் போனது வேதாளம் டீசர்

சென்னை: அஜீத் நடிப்பில் உருவாகி வரும் வேதாளம் படத்தின் டீசர் நேற்று வெளியாகும் என்று அஜீத் ரசிகர்கள் ஆவலுடன் காத்திருந்தனர். ஆனால் நேற்று படத்தின் டீசர் வெளியாகவில்லை.

இதனால் டீசர் வெளியாகும் என்று நள்ளிரவு வரை ஆவலுடன் காத்திருந்த அஜீத் ரசிகர்கள் மிகுந்த ஏமாற்றம் அடைந்தனர். படத்தின் தலைப்பு மற்றும் பர்ஸ்ட் லுக் கடந்த விநாயகர் சதுர்த்தி அன்று வெளியானது.

விஜயின் புலி படத்தின் 2 வது டிரெய்லர் வெளியான அன்று அஜீத் படத்தின் தலைப்பும், பர்ஸ்ட் லுக்கும் வெளியானது. இதனால் அஜீத் மற்றும் விஜயின் ரசிகர்கள் மிகுந்த சந்தோஷம் அடைந்தனர்.

இந்நிலையில் இன்று விஜயின் புலி படத்துடன் அஜீத்தின் வேதாளம் பட டீசரும் வெளியாகும், என்று நேற்று காலையில் உறுதி செய்யப்படாத தகவல்கள் வெளியாகின.


ஆனால் வேதாளம் படத்திற்கு பாட்டெழுதிய கவிஞர் மதன் கார்க்கி "வேதாளம் படத்தின் டீசர் பார்த்தேன் மிகவும் நன்றாக இருந்தது. இன்று இரவு டீசர் வெளியாகும்" என்று தனது ட்விட்டர் பக்கத்தில் தெரிவித்து இருந்தார்.

இதனால் மகிழ்ச்சி அடைந்த அஜீத் ரசிகர்கள் வேதாளம் படத்தின் டீசரை வரவேற்க நேற்று நள்ளிரவு வரை காத்திருந்தனர். ஆனால் திட்டமிட்டபடி நேற்று படத்தின் டீசர் வெளியாகவில்லை.

இதனால் தற்போது அஜீத் ரசிகர்கள் மிகுந்த ஏமாற்றம் அடைந்துள்ளனர்.